Home > ଅନ୍ତରାଷ୍ଟ୍ରୀୟ
କରୋନା ଭୟ, ଏକ ବର୍ଷ ପାଇଁ ଘୁଞ୍ଚିଲା ଅଲମ୍ପିକ କ୍ରୀଡା
Khabar Odisha:Tokyo-2020-Olympics-to-be-postponed-until-2021-says-IOC
ଟୋକିଓ, ମାର୍ଚ୍ଚ ୨୪ (ଖବର ଓଡ଼ିଶା):

ସାରା ବିଶ୍ୱରେ ଦେଖାଦେଇଥିବା ମହାମାରୀ କରୋନା କାରଣରୁ ଗୋଟିଏ ପରେ ଗୋଟିଏ କ୍ରୀଡା ସ୍ଥଗିତ ରଖା ଯାଉଛି । ଅନେକ କ୍ରୀଡାକୁ ଆକ୍ରାନ୍ତ କରିବା ପରେ ଏବେ ବିଶ୍ୱର ଶ୍ରେଷ୍ଠ କ୍ରୀଡା ଅଲମ୍ପିକ ଉପରେ ନିଜର ପ୍ରଭାବ ପକାଇଛି ମହାମାରୀ କରୋନା। କରୋନା ଯୋଗୁଁ ଟୋକିଓ ଅଲିମ୍ପିକ୍ସକୁ ଏକ ବର୍ଷ ପାଇଁ ସ୍ଥଗିତ ରଖାଯାଇଛି । ଆଜି ଅନ୍ତର୍ଜାିତୀୟ ଅଲମ୍ପିକ୍ସ କମିଟି ଏହି ନିଷ୍ପତ୍ତି ବିଷୟରେ ଘୋଷଣା କରିଛି। 

କୋଭିଡ -୧୯ ପାଇଁ ଆମେରିକା, କାନାଡା, ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ ଅଲିମ୍ପିକ୍ ଗେମ୍ସ ପାଇଁ ଖେଳାଳି ନ ପଠାଇବାକୁ ନିଷ୍ପତ୍ତି ନେବା ପରେ ଖେଳକୁ ଏକ ବର୍ଷ ସ୍ଥଗିତ ରଖିବାକୁ ଆୟୋଜକ କମିଟି ଉପରେ ଚାପ ପଡିଥିଲା । ଅଲିମ୍ପିକ୍ ଗେମ୍ସ ୨୪ ଜୁଲାଇରୁ ୯ ଅଗଷ୍ଟ ୨୦୨୦ ପର୍ଯ୍ୟନ୍ତ ଅନୁଷ୍ଠିତ ହେବାର ଥିଲା | ଏହା ବର୍ତ୍ତମାନ ୨୦୨୧ରେ ଖେଳାଯିବ | ବର୍ତ୍ତମାନ ପର୍ଯ୍ୟନ୍ତ, କୋଭିଡ୍ -୧୯ ଯୋଗୁଁ ସାରା ବିଶ୍ୱରେ ୧୭୦୦୦ ରୁ ଅଧିକ ଲୋକ ପ୍ରାଣ ହରାଇ ସାରିଲେଣି।

ଜାପାନର ପ୍ରଧାନମନ୍ତ୍ରୀ ସିଞ୍ଜୋ ଆବେ କହିଛନ୍ତି ଯେ ଖେଳକୁ ଏକ ବର୍ଷ ସ୍ଥଗିତ ରଖିବାକୁ ସେ ଆନ୍ତର୍ଜାତୀୟ ଅଲିମ୍ପିକ୍ କମିଟିକୁ ନିବେଦନ କରିଥିଲେ ।

ଯାହା ଆଇଓସି(ଇଣ୍ଟରନ୍ୟାସନାଲ ଅଲମ୍ପିକ କମିଟି) ରାଜି ହୋଇଥିଲା ଏବଂ ଖେଳର ମହାକୁମ୍ଭକୁ ଏକ ବର୍ଷ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛି | ଆଇଓସି ସଭାପତି ଥୋମାସ୍ ବକଙ୍କ ସହ କଥା ହେବା ପରେ ସିଞ୍ଜୋ ଆବେ କହିଛନ୍ତି ଯେ ମୁଁ ଟୋକିଓ ଅଲିମ୍ପିକ୍ ଗେମ୍ସକୁ ଏକ ବର୍ଷ ପାଇଁ ସ୍ଥଗିତ ରଖିବାକୁ ପ୍ରସ୍ତାବ ଦେଇଥିଲି ଏବଂ ଚେୟାରମ୍ୟାନ୍ ବକ୍ ଏଥିରେ ରାଜି ହୋଇଥିଲେ।

ସାରା ବିଶ୍ୱରେ ଅନେକ ଦେଶର କ୍ରୀଡାବିତ ଅଲମ୍ପିକକୁ ଘୁଞ୍ଚାଇବା ପାଇଁ ଅନ୍ତର୍ଜାତୀୟ ଅଲମ୍ପିକ ଆସୋସିଏଶନ ନିକଟରେ ଦାବି ଜଣାଇଥିଲେ। ଅନେକ ଦେଶ ଅଲମ୍ପିକରୁ ଓହରିଯିବା ପରେ ବାଧ୍ୟ ହୋଇ ଅଲମ୍ପିକ ଆୟୋଜନ କମିଟି ଏଭଳି ନିଷ୍ପତି ନେଇଥିବା ଆଲୋଚନା ହେଉଛି।

  • Tags: