Khabar Odisha:loss-of-Biodiversity-in-Odisha

ଆଜି ବିଶ୍ୱ ଜୈବ ବିବିଧତା ଦିବସ : ପ୍ରତି ଘଂଟାରେ ବିଲୀନ ହେଉଛି ୩ ପ୍ରଜାତି, ବର୍ଷରେ ୨୦ ହଜାର

ଭୁବନେଶ୍ୱର,ମେ/୨୨(ଖବର ଓଡ଼ିଶା) : ଆଜି ଆନ୍ତରାଷ୍ଟ୍ରିୟ ଜୈବ ବିବିଧତା ଦିବସ । ଜୀବ ଜନ୍ତୁ ପ୍ରାଣୀ ଉଭିଦ ଓ ପ୍ରାକୃତିକ ପରିସଂସ୍ଥା ପ୍ରତି ସଚେତନତା ଆଭିମୁଖ୍ୟ ନେଇ ଜାତିସଂଘ ପକ୍ଷରୁ ପ୍ରତିବର୍ଷ ମେ ୨୨ରେ ଏହି ଦିବସ ପାଳନ ହୋଇଥାଏ । କିନ୍ତୁ ବର୍ତମାନର ପରିସ୍ଥିତି ଦେଖିଲେ ଏହା କେବଳ ଦିବସ ପାଳନ ଭିତରେ ରହିଯାଇଥିବା ଭଳି ମନେ ହେଉଛି । ଗତ ଶତାବ୍ଦୀରେ ଆମ ଧରିତ୍ରୀରୁ ୭୫ ପ୍ରତିଶତ ଆନୁବଂଶିକ ଶସ୍ୟ ବିବିଧତା ନଷ୍ଟ ହୋଇଯାଇଛି । ସାରା ବିଶ୍ୱରେ ପ୍ରତି ଘଂଟାରେ ତିନୋଟି ପ୍ରଜାତି ବିଲୀନ ହେଉଥିବାବେଳେ ବର୍ଷକୁ ୨୦ ହଜାର ପ୍ରଜାତି ବିଲୀନ ହେଉଥିବା ଆଇ ୟୁ ସି ଏନ୍ ପ୍ରଦତ ଏକ ତଥ୍ୟରୁ ଜଣାଯାଇଛି ।

ଖବର ଓଡ଼ିଶା 22/05/2017
Khabar Odisha:Where-Is-Sam-Pitroda-Now

କୁଆଡେ ଗଲେ ସାମ ପିଟ୍ରୋଡା ? ସରକାରଙ୍କ ବୌଷୟିକ ପରାମର୍ଶଦାତା କିନ୍ତୁ ସାଇବର ଆଟାକ ବେଳେ ବି ଦେଖାନାହିଁ

ସାମ ପିଟ୍ରୋଡା ହେଉଛନ୍ତି ରାଜ୍ୟ ସରକାରଙ୍କର ବୌଷୟିକ ପରାମର୍ଶଦାତା । ସାମ ପିଟ୍ରୋଡାଙ୍କର ନିଯୁକ୍ତି ବେଳେ ମୁଖ୍ୟମନ୍ତ୍ରୀ ନିଜେ ପ୍ରେସ ବିଂଗ୍ୟପ୍ତି କରି କହିଥିଲେ ସାମ ପିଟ୍ରୋଡା ହେଉଛନ୍ତି ଓଡିଶା ଭିଜନ ୨୦୩୬ର ମୁଖ୍ୟ ପରାମର୍ଶ ଦାତା । ରାଜ୍ୟରେ ଆଇଟି ପ୍ରଯୁକ୍ତିର ବ୍ଲୁ ପ୍ରିଣ୍ଟ ପ୍ରସ୍ତୁତି ତାଙ୍କ ଉପରେ ନ୍ୟସ୍ତ । ରାଜ୍ୟ ସରକାର ମଧ୍ୟ ତାଙ୍କୁ କ୍ୟାବିନେଟ ପ୍ୟାହା ଦେଇଛନ୍ତି । ହେଲେ ସାମ ପିଟ୍ରୋଡା ଏବେ କେଉଁଠି ଆଉ ରାଜ୍ୟର ଆଇଟିର ବିକାଶ ପାଇଁ କଣ କରୁଛନ୍ତି ତାକୁ ନେଇ କିଛି ଖବର କାହା ପାଖେ ନାହିଁ ।

Anil Biswal 18/05/2017
Khabar Odisha:BJD-Kendrapara-Politics-Baijayanta-Panda-Atanu-Sabyasachi-Nayak-Pratap-Dev

ବାରୁଦ ଗଦାରେ କେନ୍ଦ୍ରାପଡା ବିଜେଡି ! ଅତନୁ ଓ ବୈଜୟନ୍ତଙ୍କ ଶକ୍ତିହରଣ, ପାୱାର କରିଡରରେ ଯୋଡିହେଲା ନୂଆ ଠିକଣା

ରାଜ୍ୟ ରାଜନୀତିରେ ସବୁଠାରୁ ଗୁରୁତ୍ବବହନ କରୁଥିବା କେନ୍ଦ୍ରାପଡାର ବିଜେଡି ରାଜନୀତି ଏବେ ସରଗରମ । ଦଳରେ ନେତାଙ୍କ ମଧ୍ୟରେ ଦେଖାଦେଇଥିବା ଅସନ୍ତୋଷ ଏବେ ଚରମସୀମାରେ । ଖୋଲାଖୋଲି ଭାବେ କେହି ନିଜର ଅସନ୍ତୋଷ ନେଇ ମୁହଁ ଖୋଲୁନଥିଲେ ମଧ୍ୟ ପରସ୍ପର ମଧ୍ୟରେ ଏବେ ଗୋଛି କଟାକଟିରେ ଲାଗିପଡିଛନ୍ତି ନେତା । 2019 ସାଧାରଣ ନିର୍ବାଚନ ପର୍ଯ୍ୟନ୍ତ ଯଦି ଏହିପରି ଚାଲି ରହିବ ତାହାହେଲେ ଏହା ଦଳ ପାଇଁ ମହଙ୍ଗା ସାବ୍ୟସ୍ତ ହେବ ବୋଲି ରାଜନୈତିକ ବିଶାରଦ ମାନଙ୍କ ମହଲରେ ଆଲୋଚନାର ବିଷୟ ପାଲଟିଛି ।

ଶ୍ରୀହରି ଦାଶ 15/05/2017
Khabar Odisha:Fire-service-reach-after-destroyed-of-lakh-property

ଅଗ୍ନିକାଣ୍ଡ: ସର୍ବନାଶ ହେବା ପରେ ପହଂଚେ ଦମକଳ ଗାଡି

ଭୁବନେଶ୍ୱର, ମଇ ୦୯(ଖବର ଓଡ଼ିଶା): ଗ୍ରୀଷ୍ମ ଆସିଲେ ଓଡ଼ିଶାରେ ଆରମ୍ଭ ହୋଇ ଯାଇଥାଏ ଅଗ୍ନିକାଣ୍ଡ ଋତୁ । ନିଆଁ ଦାଉରୁ ତ୍ରାହି ପାଇବା ପାଇଁ ଲୋକଙ୍କ ମନରେ ଭାଲେଣି ପଡେ । କାରଣ ଦମକଳ ବିଭାଗ ଅଗ୍ନିକାଣ୍ଡ ଘଟିଥିବା ସବୁ ସ୍ଥାନକୁ ପହଞ୍ଚି ପାରୁନାହିଁ କି ସରକାରଙ୍କ ତରଫରୁ ସେଭଳି ଅତ୍ୟାଧୁନିକ ବ୍ୟବସ୍ଥା କରାଯାଇ ନ ଥିବାରୁ ଲୋକମାନେ...

ଖବର ଓଡ଼ିଶା 09/05/2017
Khabar Odisha:

ଶୋଇଛି ଦମକଳ ବିଭାଗ, ଗ୍ରାସୁଛି ନିଆଁ

ଭୁବନେଶ୍ୱର, ମେ ୦୮(ଖବର ଓଡ଼ିଶା): ମୁଣ୍ଡ ଉପରେ ସୂର୍ଯ୍ୟ । ଢାଳୁଛି ଅଗ୍ନି । ଭୂପୂଷ୍ଠକୁ ବି ତ୍ରାହି ମିଳୁ ନାହିଁ । ଝାଞ୍ଜି ପବନ ସାଙ୍ଗକୁ ଅସହ୍ୟ ଗୁଳୁଗୁଳି ଲୋକଙ୍କର ଜୀବନକୁ ଅସ୍ତବ୍ୟସ୍ତ କରିପକାଉଛି । ଏପରି ସ୍ଥିତିରେ ନିଆଁ ଲାଗିଲେ ଲୋକେ କିପରି ଡହଳ ବିକଳ ହେଉଥିବେ ତାହା ବୁଝାଇ କହିବା ଆବଶ୍ୟକ ନାହିଁ । ବର୍ଷ ବର୍ଷ ଧରି ଲୋକେ ଖରା ଦିନ ଆସିଲେ ନିଆଁର ଭୟକୁ ନେଇ ବ ନ୍ତି । ଅଗ୍ନିକାଣ୍ଡର ଭୟ ଗ୍ରାମ ଳରେ ଆହୁରି ଅଧିକ । ଅଗ୍ନିକାଣ୍ଡ ପାଇଁ ସବୁଠୁ ଚର୍ଚ୍ଚାରେ ଢେଙ୍କାନାଳ, ଅନୁଗୁଳ, ଗ୍ୟଞ୍ଜାମ, ଖୋର୍ଦ୍ଧା, ସମ୍ବଲପୁର ........

ଖବର ଓଡ଼ିଶା 08/05/2017
Khabar Odisha:Sakhigopinath-neglected

ଠାକୁରଙ୍କୁ ଅସମ୍ମାନ: ସାକ୍ଷୀଗୋପୀନାଥଙ୍କୁ ମିଳୁନି ଅମୃତମଣୋହି ଭୋଗ

ଭୁବନେଶ୍ୱର, ମଇ ୦୧ (ଖବର ଓଡ଼ିଶା): ରାଜ୍ୟର ପୁରାତନ ମନ୍ଦିରଗୁଡ଼ିକ ଦେବୋତ୍ତର ବିଭାଗ ଦ୍ୱାରା ପରିଚାଳିତ ହେଉଛି । ରାଜ୍ୟର କଳା, ସ୍ଥାପତ୍ୟ ଓ ଇତିହାସର ମୁକସାକ୍ଷୀ ବହନ କରୁଥିବା କିଛି ମନ୍ଦିରକୁ ସରକାର ପର୍ଯ୍ୟଟନର ମାନ୍ୟତା ଦେଇଛନ୍ତି । ଏସବୁ ସତ୍ତ୍ୱେ ଅନେକ ଗୁଡ଼ିଏ ମନ୍ଦିରରେ ପୂଜାବିଧି ଓ ଅନ୍ୟାନ୍ୟ ରିତିନୀତିରେ ବ୍ୟତିକ୍ରମ ଦେଖାଯାଉଛି । କିଛି ଖଳ ଲୋକଙ୍କର ହାତମୁଠାରରେ ରହୁଛି ମନ୍ଦିରର ଶାସନ ବ୍ୟବସ୍ଥା । ଅନେକ ବାଧାବିଘ୍ନ ଦେଇ ଗତି କରୁଥିବା ପୁରୀ ଜିଲ୍ଲା ସାକ୍ଷୀଗୋପାଳସ୍ଥିତ ସାକ୍ଷୀଗୋପୀନାଥଙ୍କୁ ୪୦ ବର୍ଷ ପରେ ଅମାଳୁ, ଜଗନ୍ନାଥ ବଲ୍ଲଭ, ଖଳିରୁଟି ଓ ମଗଜଲଡୁ ଭୋଗ ଶନିବାରୁ ମିଳିଛି । ୫ଶହ କୋଟି ଟଙ୍କାର ମାଲିକ ପ୍ରଭୁ ସାକ୍ଷୀଗୋପୀନାଥଙ୍କୁ ମିଳି ନାହିଁ ଅମୃତମୋଣହି ଭୋଗ । ଏହି ଭୋଗ ପୁଣି କେବେ ଆରମ୍ଭ ହେବ ଠିକ ନାହିଁ । ଭୁବନେଶ୍ୱର, ଖୋର୍ଦ୍ଧା, ଜଟଣୀ, ପିପିଲି, ଡେଲାଙ୍ଗ, ବୋଲଗଡ, ଖଣ୍ଡଗିରି, ବାଲେଶ୍ୱର ଓ ବେଗୁନିଆରେ ପ୍ରାୟ ୩ହଜାର ୩୩୩ ଏକର ଜମିର ମାଲିକଙ୍କୁ ୪୦ ବର୍ଷ ଧରି ରେ ଅମାଳୁ, ଜଗନ୍ନାଥ ବଲ୍ଲଭ, ଖଳିରୁଟି ଓ ମଗଜଲଡୁ ଭୋଗ ନ ମିଳିବା ଆମ ପ୍ରଶାସନିକ ବ୍ୟବସ୍ଥାର ଦୁର୍ବଳତାକୁ ପଦାରେ ପକାଉଛି ।

ଖବର ଓଡ଼ିଶା 01/05/2017
Khabar Odisha:Rishi-Murder-Case-Investigation-Report

କେଉଠିଁ ଅଟକିଲା ରିଷି ହତ୍ୟା ଆଉ ମେୟର ଯୌନକେଳେଙ୍କାରି ତଦନ୍ତ

ଆଇନ ଆଗରେ ସମସ୍ତେ ସମାନ । ନେତା ବି ଜନତା ବି । କିନ୍ତୁ ବେଳେବେଳେ ଓଡିଶା ପୋଲିସ ବ୍ୟବସ୍ଥାର କାର୍ଯ୍ୟକଳାପକୁ ଦେଖିଲେ ଲାଗେ ପୋଲିସ ଏବେ କିଛି ନେତା ମନ୍ତ୍ରୀଙ୍କ ଚାମଚାଗିରି କରିବା ଛଡା ଆଉ କିଛି କରିପାରୁନାହିଁ । ଗତ ଡିସେମ୍ବର ମାସରେ ଇଜିଂନିୟରିଙ୍ଗ ଛାତ୍ର ରିଷି ମହାନ୍ତି ହତ୍ୟା ଘଟଣା ଆଉ ସେଥିରେ ମେୟର ଅନନ୍ତ ନାରାୟଣ ଜେନାଙ୍କ ସମ୍ପୃକ୍ତିକୁ ନେଇ ଢେର ତୁମ୍ଭି ତୋଫାନ ରାଜ୍ୟରେ ହୋଇଥିଲା । ବିଭିନ୍ନ ରାଜନୈତିକ ଦଳ ଏହି ଘଟଣାକୁ ନେଇ ଆନ୍ଦୋଳନ ମଧ୍ୟ କରିଥିଲେ । ମେୟରଙ୍କ ଭଳି ଦେଖାଯାଉଥିବା ଜଣେ ଲୋକ ଆପତ୍ତିଜନକ ଅବସ୍ଥାରେ ଜଣେ ମହିଳାଙ୍କ ଥିବାର ଏକ ଭିଡିଓ କ୍ଲିପିଙ୍ଗ ମଧ୍ୟ ବିଭିନ୍ନ େଓବସାଇଟରେ ଘୁରିବୁଲିଲା । ସେତେବେଳେ ଅଭିଯୋଗ ଆସିଥିଲା ଏହି ଭିଡିଓ ପାଇଁ କୁଆଡେ ରିଷିକୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିଲା । ଯାହାର ତଦନ୍ତ ଭାର ସେତେବେଳେ କମିଶନରେଟ ପୋଲିସ ନେଇଥିଲା ଆଉ ଏକ ରିପୋର୍ଟ ମଧ୍ୟ ଦେଇଥିଲେ । ତଦନ୍ତପରେ କୁହାଯାଇଥିଲା ରିଷି ଅତ୍ୟଧିକ ନିଶା ସେବନ ଯୋଗୁଁ ମରିଥିଲା ବୋଲି । ହେଲେ ଅତ୍ୟଧିକ ନିଶା ଖାଇବା ପଛରେ କାହାର ହାତ ଅଛି ତାର ତଦନ୍ତ ଚାଲୁ ରହିଛି ବୋଲି ପୋଲିସ ସେତେବେଳେ କହିଥିଲା । ପ୍ରକୃତରେ ସେ ପ୍ରଶ୍ନହିଁ ଥିଲା ପୁରା ଘଟଣାର ସବୁଠାରୁ ଗୁରୁତ୍ୱପୁର୍ଣ୍ଣ ଦିଗ ଯେଉଁ ପ୍ରଶ୍ନର ଉତ୍ତର ଆଜି ଯାଏଁ ପୋଲିସ ଲୁଚାଇ ରଖିଛି ।

ଖବର ଓଡ଼ିଶା 27/04/2017
Khabar Odisha:

ସମ୍ବଲପୁରୀ ଶାଢ଼ି: ପ୍ରୋତ୍ସାହନର ଅଭାବ, ସଙ୍କଟରେ ବୁଣାକାର

ଭୁବନେଶ୍ୱର, ଏପ୍ରିଲ ୨୪(ଖବର ଓଡ଼ିଶା): ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଓ ରାଷ୍ଟ୍ରୀୟ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ପିନ୍ଧି ଥିଲେ ସମ୍ବଲପୁରୀ ସାଢ଼ି। ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ସମ୍ବଲପୁରୀ ଶାଢ଼ି ପିନ୍ଧିବା ପରେ ଏହା ଅଧିକ ଲୋକପ୍ରିୟ ହେବାକୁ ଲାଗିଲା । ୧୯୮୦ ରୁ ୧୯୯୦ ମଧ୍ୟରେ ଓଡ଼ିଶା ବାହାରେ ସମ୍ବଲପୁରୀ ଶାଢ଼ିର ଚାହିଦା ବଢ଼ିବାକୁ ଲାଗିଲା । ଶଙ୍ଖ, ଚକ୍ର ଓ ଫୁଲରେ ସଜ୍ଜିତ ପାରମ୍ପରିକ ସମ୍ବଲପୁରୀ ସାଢ଼ିକୁ ବର୍ତ୍ତମାନ ପରିପ୍ରେକ୍ଷୀରେ ଅଣଦେଖା କରାଯାଉଥିବା ଅଭିଯୋଗ ହେଉଛି ।

ଖବର ଓଡ଼ିଶା 24/04/2017
Khabar Odisha:

୯ବର୍ଷ ହେଲା ଅଭିଯୋଗ ପ୍ରକୋଷ୍ଠକୁ ଆସୁ ନାହାନ୍ତି ମୁଖ୍ୟମନ୍ତ୍ରୀ

ଭୁବନେଶ୍ୱର, ଏପ୍ରିଲ ୨୨(ଖବର ଓଡ଼ିଶା): ଲୋକଙ୍କ ଅସୁବିଧାର ସମାଧାନ କରିବା ପାଇଁ ଜିଲ୍ଲା ସ୍ତରରେ ଅଭିଯୋଗ ପ୍ରକୋଷ୍ଠ ଖୋଲା ଯାଇଛି । ଜିଲ୍ଲା ସ୍ତରୀରେ ଅଭିଯୋଗ ପ୍ରକୋଷ୍ଠରେ ଜିଲାପାଳ, ଆରକ୍ଷୀ ଅଧୀକ୍ଷକ ଓ ଜିଲ୍ଲାସ୍ତରୀୟ ଅଧିକାରୀମାନଙ୍କ ଉପସ୍ଥିତିରେ ସପ୍ତାହର ଦ୍ୱିତୀୟ ଦିନ ଅର୍ଥାତ ସୋମବାର ଜନ ଶୁଣାଣୀ କରାଯାଉଛି । ଠିକ୍ ସେହିଭଳି ବ୍ଲକସ୍ତରରେ ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର ଓ ଅନ୍ୟ ବ୍ଲକସ୍ତରୀୟ ଅଧିକାରୀଙ୍କ ଉପସ୍ଥିତିରେ ଅଭିଯୋଗଗୁଡ଼ିକର ସମାଧାନ କରାଯାଉଛି । ଏସବୁ ସତ୍ତ୍ୱେ ରାଜଧାନୀ ଭୁବନେଶ୍ୱରରେ ଗରୀବ, ଅସହାୟ, ବିଧବାଙ୍କ ଗୁହାରୀ ଶୁଣିବାକୁ ମୁଖ୍ୟମନ୍ତ୍ରୀ ଅଭିଯୋଗ ପ୍ରକୋଷ୍ଠ ଖୋଲାଯାଇଛି। ରେଡକ୍ରସରୁ ସହାୟତା ଓ ପେନସନ୍ ଭଳି ଗୁରତର ସମସ୍ୟାର ସମାଧାନ ପାଇଁ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠକୁ ଦୈନିକ ଶହ ଶହ ଅଭିଯୋଗ ଆସୁଛି । କିନ୍ତୁ ଏହି ଅଭିଯୋଗଗୁଡ଼ିକ ଅନ୍ୟ ଅଧିକାରୀଙ୍କ ଦ୍ୱାରା ସମାଧାନ କରାଯାଉଥିବା ଜଣାପଡ଼ିଛି ।

ଖବର ଓଡ଼ିଶା 22/04/2017
Khabar Odisha:

ଓଡ଼ିଆର ପଖାଳ କଂସାକୁ ମମତାଙ୍କ ଆଳୁ, ଆନ୍ଧ୍ରା ମାଛରେ ନାସିକ ପିଆଜ

ଭୁବନେଶ୍ୱର, ଏପ୍ରିଲ ୨୧(ଖବର ଓଡ଼ିଶା): କେବଳ ଯେ ଖରା ଦିନେ ନୁହେଁ, ବରଂ ବର୍ଷ ତମାମ ଓଡ଼ିଆ ଲୋକଙ୍କ ପ୍ରିୟ ଖାଦ୍ୟ ହେଉଛି ପଖାଳ । ଆଳୁ-ପିଆଜ ଚକଟାରେ ମାଛ ଭଜା ହେଲେ ପଖାଳ ଖାଇବାରେ ମଜା ଆସିଥାଏ । କିନ୍ତୁ ଆମ ରାଜ୍ୟ ସରକାର ଓଡ଼ିଆ ଲୋକଙ୍କୁ ପଖାଳ ଯୋଗାଇବାରେ ବି ସଫଳ ହୋଇ ପାରିନାହାନ୍ତି । ପଖାଳ ଗଣ୍ଡେ ଖାଇବାକୁ ଆର୍ଥିକ ସଙ୍କଟ ହେଉଥିବାରୁ ଲୋକେ ଦାଦନ ଖଟିବାକୁ ବାହାର ରାଜ୍ୟ ଯାଉଛନ୍ତି । ଜମି, ଜଙ୍ଗଳ, ପାଣି ଓ ପବନରେ ପରିପୂର୍ଣ୍ଣ ଓଡ଼ିଶାରେ ଜଳସେଚନ ଅଭାବ ଦେଖାଦେଇଥିବାରୁ ଚାଷ ଜମିକୁ ପାଣି ମିଳୁ ନାହିଁ । ଚାଷୀ ଋଣ ଭାରରେ ଅତିକ୍ରାନ୍ତ ହୋଇ ଆତ୍ମହତ୍ୟା କରିବାକୁ ବାଧ୍ୟ ହେଉଛି ।

ଖବର ଓଡ଼ିଶା 21/04/2017
Khabar Odisha:What-Is-The-Dream-Of-Biju-Patnaik

ସ୍ୱପ୍ନ ଟି କଣ ?

ଖବର ଓଡ଼ିଶା 21/04/2017
Khabar Odisha:

ଜମାକାରୀଙ୍କୁ ନ୍ୟାୟ ମିଳିବ କେବେ ?

ଭୁବନେଶ୍ୱର, ଏପ୍ରିଲ ୧୯(ଖବର ଓଡ଼ିଶା): ଗରିବ ଓ ସାଧାରଣ ଲୋକଙ୍କୁ ବଡ ସ୍ୱପ୍ନ ଦେଖାଇ ଚିଟଫଣ୍ଡ କମ୍ପାନୀ ମାଧ୍ୟମରେ ହଜାର ହଜାର କୋଟି ଟଙ୍କା ଚଳୁ କରିଥିବା ମାଲିକମାନଙ୍କୁ ଗିରଫ କରାଯାଇଛି । ଜେଲର ଚାରିକାନ୍ଥ ଭିତରେ ସାଂସଦ ରାମଚନ୍ଦ୍ର ହାଂସଦା ଦିନ କାଟୁଥିବା ବେଳେ ଶାସକ ଦଳର କିଛି ବିଧାୟକମାନେ ଚିଟଫଣ୍ଡ ଜାଲରେ ଫସିଛନ୍ତି । ତଳ ସ୍ତରର ରାଜନେତା ଓ ପୁଞ୍ଜିଲଗାଣକାରୀ ସଂସ୍ଥା ବି ଚିଟଫଣ୍ଡ କମ୍ପାନି ସହିତ ଜଡ଼ିତ ଅଛନ୍ତି । ଜମାକାରୀମାନେ ସ୍ୱପ୍ନ ଦେଖିଥିଲେ, ଜମା ଟଙ୍କାର ସୁଧରେ ସେମାନଙ୍କର ଆର୍ଥିକ ଓ ସାମାଜିକ ଭାଗ୍ୟ ବଦଳିବ । ଘର ତିଆରି, ପୁଅର ଉଚ୍ଚଶିକ୍ଷାରେ ସାହାଯ୍ୟ ଓ ଝିଅର ବାହାଘର ଏପରି ଅନେକ ସ୍ୱପ୍ନ । ସ୍ପପ୍ନ ତ ପୂରା ହେଲାନି, ବରଂ ନିଜେ ଜମା କରିଥିବା ଟଙ୍କା ମିଳିଗଲେ ବି ଟିକିଏ ଆଶ୍ଵସ୍ତି ମିଳିଯାଆନ୍ତା । ତାହା ବି ହୋଇ ପାରୁ ନାହିଁ । ଇତି ମଧ୍ୟରେ ଚିଟଫଣ୍ଡ କମ୍ପାନୀର ମାଲିକମାନେ ୩ ବର୍ଷ ହେଲା ଜେଲରେ ବିତାଇ ସାରିଲେଣି । ସୁପ୍ରିମ କୋର୍ଟଙ୍କ ନିର୍ଦ୍ଦେଶ ପରେ ଜମାକାରୀଙ୍କୁ ୩ମାସ ଭିତରେ ଜମା ଟଙ୍କା ଫେରାଇବାକୁ ନିର୍ଦ୍ଦେଶ ଦେଇଥିଲେ । ଏଭିତରେ ୩ବର୍ଷରୁ ଅଧିକ ସମୟ ବିତି ଯାଇଥିଲେ ବି ଜମାକାରୀଙ୍କୁ ଟଙ୍କା ମିଳି ପାରିଲା ନାହିଁ । ଜମାକାରୀଙ୍କୁ ଚିହ୍ନଟ କରିବାରେ ବର୍ଷ ବର୍ଷ ଧରି ଚାଲିଛି ତଦନ୍ତ ।

ଖବର ଓଡ଼ିଶା 19/04/2017
Khabar Odisha:How--successful-is-the--chief-minister-Naveen-pattanaik-by-the-name-of-Biju-Babu

ବିଜୁ ବାବୁଙ୍କ ନାମରେ ନବୀନ ବାବୁ କେତେ ସଫଳ ?

ବିଜୟାନନ୍ଦ ପଟ୍ଟନାୟକ ଅଥବା ବିଜୁ ପଟ୍ଟନାୟକ ଓଡିଶାର ଗର୍ବ ଗୌରବ। ୫ ମାର୍ଚ୍ଚ ୧୯୧୬ ମସିହାରେ ଗଂଜାମ ଜିଲ୍ଲାର ବେଲଗୁଣ୍ଠାଠାରେ ବାପା ଲାକ୍ଷ୍ମୀନାରାୟଣ ପଟ୍ଟନାୟକ ଓ ମା’ ଆଶାଲତା ପଟ୍ଟନାୟକଙ୍କ କୋଳମଣ୍ଡନ କରନ୍ତି ବିଜୁପଟ୍ଟନାୟକ । ତାଙ୍କର ଅଧ୍ୟୟନ ଶେଷ ହୁଏ କଟକର ରେଭେନ୍ସା କଲେଜରେ । ଛୋଟବେଳୁ ତାଙ୍କର ଅଦମ୍ୟ ସାହାସ ତାଙ୍କୁ ଦିନେ ସମଗ୍ର ଭାରତବାସୀଙ୍କ ପାଖରେ ପରିଚିତ କରାଇପାରିଥିଲା । ସେ ପ୍ରତ୍ୟେକଟି କାର୍ଯ୍ୟ ବେଶ୍ ନିଖୁଣତାର ସହକାରେ ସଂପାଦନ କରୁଥିଲେ । ଭାରତର ସ୍ୱାଧିନତା ଇତିହାସରେ ମଧ୍ୟ ତାଙ୍କର ବଳିଷ୍ଠ ଉଦମ୍ୟ ରହିଥିଲା । ଭାରତମାତାକୁ ସ୍ୱାଧୀନତା ଦେବା ପାଇଁ ସେ ବି ଅନେକଥର ଜେଲ୍ ମଧ୍ୟ ଯାଇଛନ୍ତି। ୨୪ ଜୁଲାଇ ୧୯୪୭ ମସିହାରେ ଇଣ୍ଡୋନେସିଆର ରାଜା ସୁଲତାନ୍ ସଜାହରିରଙ୍କୁ ଗୃହବନ୍ଦୀରୁ ମୁକ୍ତକରି ବିଶ୍ୱବାସୀଙ୍କ ଆଗରେ ସେ ତାଙ୍କର ଅଦମ୍ୟ ସାହାସର ପରିଚୟ ଦେଇଥିଲେ । ଯେଉଁଥିପାଇଁ ତାଙ୍କୁ ଇଣ୍ଡୋନେସିଆ ସରକାର ଭୂମିପୁତ୍ର ଭାବେ ସମ୍ବୋଧନ କରିଥିଲେ । ସେ କେବଳ ଓଡିଶା ନୁହେଁ ସମଗ୍ର ବିଶ୍ୱବାସୀଙ୍କ ହୃଦୟରେ ସଦାସର୍ବଦା ଅବସ୍ଥାପିତ ।

Dibyajyoti Mohanty 17/04/2017
Khabar Odisha:

ମନ ମୋହିଲେ ମୋଦୀ

ଭୁବନେଶ୍ୱର,ଏପ୍ରିଲ୧୬ (ଖବର ଓଡ଼ିଶା): ମୁହଁରୁ ଆଉ ବାହାରୁ ନାହିଁ ଭାଇଓଁ, ବହନୋ ଓ ମିତ୍ରୋ । ତଥାପି ସେ ଦିଲ୍ଲୀରୁ ବାହାରି ଯେତେବେଳେ ଅନ୍ୟ ରାଜ୍ୟକୁ ଯାଉଛନ୍ତି, ତାଙ୍କୁ ଦେଖିବା ପାଇଁ ଜନତାଙ୍କ ପ୍ରବଳ ଭିଡ଼ ଲାଗୁଛି । ହଁ ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କଥା କହିବାକୁ ଚାହୁଁଛୁ । ରାଜଧାନୀ ଜନତା ମଇଦାନରେ ଅନୁଷ୍ଠିତ ଭାରତୀୟ ଜନତା ପାର୍ଟିର ୨ ଦିବସୀୟ ରାଷ୍ଟ୍ରୀୟ କାର୍ଯ୍ୟକାରିଣୀ ଆଜି ଶେଷ ହୋଇଛି । ସମାରୋହରେ ଯୋଗଦେବା ପାଇଁ ବିଜୁ ପଟ୍ଟନାୟକ ଅର୍ନ୍ତଜାତୀୟ ବିମାନବନ୍ଦରରେ ମୋଦୀ ଶନିବାର ଅପରାହ୍ନ ପ୍ରାୟ ୩.୩୦ରେ ପହଞ୍ଚିଥିଲେ । ସେଠାରୁ ସେ ରାଜଭବନ ଓ ପରେ ଜନତା ମଇଦାନକୁ ଯାଇଥିଲେ । ରାତ୍ର ପ୍ରାୟ ୧୦ଟା ପୂର୍ବରୁ ମୋଦୀ ଜନତା ମଇଦାନ ଛାଡ଼ି ଭୋଜନ ଓ ବିଶ୍ରାମ ପାଇଁ ରାଜଭବନ ଫେରିଥିଲେ ।

ଖବର ଓଡ଼ିଶା 16/04/2017
Khabar Odisha:Krushi-mahotsava-in-capital-farmer-suicide-in-rural-area

ରାଜଧାନୀରେ କୃଷି ମହୋତ୍ସବ, ଗ୍ରାମାଞ୍ଚଳରେ ଚାଷୀ ଆତ୍ମହତ୍ୟା

ଭୁବନେଶ୍ୱର,ଏପ୍ରିଲ୧୪(ଖବର ଓଡ଼ିଶା): ରାଜଧାନୀ ଭୁବନେଶ୍ୱରରେ ରାଜ୍ୟସ୍ତରୀୟ "କୃଷି ମହୋତ୍ସବ' ଚାଲିଥିବା ବେଳେ, ସେପଟେ ଗ୍ରାମାଞ୍ଚଳରେ ଚାଷୀ ଆତ୍ମହତ୍ୟା କରୁଛି । ଗତ ୧୦ ତାରିଖରୁ ବରମୁଣ୍ଡା ସ୍ଥିତ ବିଜୁ ପଟ୍ଟନାୟକ ଖେଳ ପଡ଼ିଆରେ ଆରମ୍ଭ ହୋଇଥିବା ୧୦ମ କୃଷି ମହୋତ୍ସବରେ ଗୁଡ଼ିଏ କାର୍ଯ୍ୟକ୍ରମର ଆୟାଜନ ଓ କୃଷକଙ୍କୁ ପୁରସ୍କାର ବିତରଣ କରାଯାଇଥିବା ବେଳେ, ମୁଖ୍ୟମନ୍ତ୍ରୀଙ୍କ ଜିଲ୍ଲା ଗଞ୍ଜାମର ମଧୁରଚୁଆରେ ୬୦ ବର୍ଷୀୟ ମଙ୍ଗଳୁ ନାଏକ ଆତ୍ମହତ୍ୟା କରିଛନ୍ତି । ମଙ୍ଗଳୁ ଏପ୍ରିଲ ୧୦ରେ ଆତ୍ମହତ୍ୟା କରିଛନ୍ତି । ପରିବାର ଲୋକଙ୍କ କହିବା ଅନୁଯାୟୀ ଫସଲ ନଷ୍ଟ ଯୋଗୁଁ ମଙ୍ଗଳୁ ଆତ୍ମହତ୍ୟା ଭଳି ପନ୍ଥା ନେଇଥିଲେ । ପରିବା ଚାଷ ପାଇଁ ମଙ୍ଗଳୁ ବ୍ୟାଙ୍କରୁ ଋଣ ନେଇଥିଲେ । କିନ୍ତୁ ଫସଲ ନଷ୍ଟ ହେବାରୁ ଋଣ ସୁଝିବାକୁ ନେଇ ସେ ସବୁବେଳେ ମାନସିକ ଚାପରେ ରହୁଥିଲେ । ମଙ୍ଗଳୁଙ୍କ ଆତ୍ମହତ୍ୟାକୁ ଓଡ଼ିଶା କୃଷକ ସଭା ସତ୍ୟ ବୋଲି କହିଛି । ଏଥି ସହିତ ଓଡ଼ିଶା କୃଷକ ସଭା ସମ୍ପାଦକ ପି ହୃଷିକେଷ ରେଡ୍ଡି କହିଛନ୍ତି ଯେ, ବିଗତ ୩ମାସ ମଧ୍ୟରେ ଗଞ୍ଜାମରେ ୬ଜଣ ଚାଷୀ ଆତ୍ମହତ୍ୟା କରିଛନ୍ତି । ଏତେ ଗଲା ଗଞ୍ଜାମ ଜିଲ୍ଲାର କାହାଣୀ ।

ଖବର ଓଡ଼ିଶା 14/04/2017
Khabar Odisha:Bhadrak-Riot-Chief-Minister-On-Delhi-Tour

ଏପଟେ ଜଳୁଛି ଭଦ୍ରକ, ଗୃହ ବିଭାଗର ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ କିନ୍ତୁ ଦିଲ୍ଲୀରେ

ଅଶାନ୍ତ ହୋଇପଡିଛି ଭଦ୍ରକ । ସାମ୍ପ୍ରଦାୟିକ ଦଙ୍ଗାରେ ସାରା ଜିଲ୍ଲା ପ୍ରଭାବିତ । ଜିଲ୍ଲାରେ ପହଂଚିପାରିନାହାନ୍ତି ଯଥେଷ୍ଟ ପରିମାଣର ପୋଲିସ । ଜିଲ୍ଲାରେ ନାହାନ୍ତି ସ୍ଥାୟୀ ଜିଲ୍ଲାପାଳ । ସହରରେ ଏବେ ସୁଦ୍ଧା ପହଚିଂପାରିନାହାନ୍ତି ରାପିଡ ଆକ୍ସନ ଫୋର୍ସ । ହାତ ଗଣତି କେତୋଟି ଠେଙ୍ଗା ଧରା ପୋଲିସ ପଇନ୍ତରା ମାରୁଛନ୍ତି ସହରରେ । ଯେଉଁଠି ଦଙ୍ଗା ହୋଇଛି ସେଠାକୁ ପଶିବା ପାଇଁ ସାହାସ ହେଉନି ପୋଲିସର । ପୁରା ଜନମାନସ ପ୍ରଭାବିତ । ଦୋକାନବଜାର ବିଲ୍‌କୁଲ୍‌ ଖୋଲୁ ନାହିଁ । ଫଳରେ ପନିପରିବା ଠାରୁ ଆରମ୍ଭ କରି ସାମାନ୍ୟ ବିସ୍କୁଟିଏ ମଧ୍ୟ ଲୋକେ ପାଉ ନାହାଁନ୍ତି । ମିଳୁନି ଅତ୍ୟାବଶ୍ୟକ ଖାଇବା, ପାଣି ଆଉ ବିଜୁଳି । ସାରା ରାଜ୍ୟରେ ଭୟ ଆଶଙ୍କା । ଆଉ ଏତିକି ବେଳେ ରାଜ୍ୟର ଗୃହ ବିଭାଗର ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ଏବେ ଦିଲ୍ଲୀ ଗ୍ରସ୍ତରେ । ୬ ତାରିଖରୁ ଉତ୍ତେଜନା ଆରମ୍ଭ ହୋଇସାରିଥିଲା । ପରିସ୍ଥିତିକୁ ନିୟନ୍ତ୍ରଣ ଆଣିବା ପାଇଁ ଅଫିସର ମାନଙ୍କ ଉପରେ ଦାୟୀତ୍ୱ ଦେଇ ମୁଖ୍ୟମନ୍ତ୍ରୀ ଦିଲ୍ଲୀ ଯିବା ଜେତେଦୁର ଠିକ ? ଗୃହ ବିଭାଗରେ ଦାୟୀତ୍ୱରେ ନିଜେ ଅଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ ଏ ସଙ୍ଗୀନ ପରିସ୍ଥିତିରେ ଗୃହବିଭାଗର ମୁଖିଆ ରାଜ୍ୟରେ ଅନୁପସ୍ଥିତ ।

Anil Biswal 08/04/2017
Khabar Odisha:575percent-book-could-not-reached-in-school

ବିଦ୍ୟାଳୟରେ ପହଞ୍ଚି ପାରିଲାନି ୫୭.୫% ବହି

ଭୁବନେଶ୍ୱର, ଏପ୍ରିଲ୦୮ (ଖବର ଓଡ଼ିଶା): "ସଭିଏଁ ପଢ଼ନ୍ତୁ, ସଭିଏଁ ବଢ଼ନ୍ତୁ' ସ୍ଲୋଗାନକୁ ନେଇ ସରକାର ସର୍ବଶିକ୍ଷା ଯୋଜନା ଆରମ୍ଭ କରିଛନ୍ତି । ଏଥିପଇଁ ମାଗଣାରେ ବହି, ପେଷାକ, ଖେଳ ସାମଗ୍ରୀ, ୧୦ମ ଶ୍ରେଣୀ ଛାତୀମାନଙ୍କୁ ସାଇକିଲ ଯୋଗାଉଛନ୍ତି । କିନ୍ତୁ ସରକାରଙ୍କ ଅପାରଗତା ହେଉ ବା ପ୍ରଶାସନର ଅବହେଳା ହେଉ ଆମ ରାଜ୍ୟରେ ପ୍ରାଥମିକ ଶିକ୍ଷା ଅନେକ ଅଭାବ ଓ ଅସୁବିଧାର ସହିତ ଗତି କରୁଛି ।

ଖବର ଓଡ଼ିଶା 08/04/2017
Khabar Odisha:

"ବିଜୁ ପକ୍କା ଘର ଯୋଜନା' ବନାମ ଦୁର୍ନୀତି

ଭୁବନେଶ୍ୱର,ଏପ୍ରିଲ ୬(ଖବର ଓଡ଼ିଶା): ଗ୍ରାମାଞ୍ଚଳରେ ଗରୀବମାନଙ୍କୁ ପକ୍କା ଘର ଦେବା ଲକ୍ଷ୍ୟ ନେଇ ଓଡିଶା ସରକାର ୨୦୧୪ରେ "ବିଜୁ ପକ୍କା ଘର ଯୋଜନା' ଆରମ୍ଭ କରିଥିଲେ । "ମୋ କୁଡ଼ିଆ ଯୋଜନା'ର ନାମକୁ ପରିବର୍ତ୍ତନ କରି ସରକାର ଏହି ଯୋଜନାରେ ୧,୩୦,୦୦୦ଟଙ୍କା ଅନୁଦାନ ଦେଉଛନ୍ତି । ସରକାରଙ୍କ ଗାଇଡ ଲାଇନ୍ସ ଅନୁସାରେ ଗ୍ରାମାଞ୍ଚଳରେ ରହୁଥିବା ଲୋକ ଯାହା ପାଖରେ କିଛି ଘର ନ ଥିବା କିମ୍ବା ଗୋଟିଏ ବା ଦୁଇଟି କଠୋରି ବିଶିଷ୍ଟ ଝାଟି-ମାଟିରେ ତିଆରି ଘର ଥିବା, ତାଙ୍କୁ ଯୋଗ୍ୟ ହିତାଧିକାରୀ ଭାବରେ ଚୟନ କରାଯିବ । ୨୦୧୧ରେ ପ୍ରସ୍ତୁତ ହୋଇଥିବା ସରକାରଙ୍କ ୧୩ ଗୋଟି ଗାଇଡଲାଇନ୍ ପୂରଣ କରିପାରୁଥିବା ଗରୀବଙ୍କୁ ବିଜୁ ପକ୍କା ଘର ଯୋଜନାରେ ସାମିଲ କରାଯିବାର ନିୟମ ଥିଲେ ସୁଦ୍ଧା ଉକ୍ତ ଯୋଜନାରେ ବ୍ୟାପକ ଦୁର୍ନୀତି ହେଉଥିବା ପରିଲକ୍ଷିତ ହେଉଛି ।

ଖବର ଓଡ଼ିଶା 06/04/2017
Khabar Odisha:BJD-Break-In-2002

ଏବେ ନୁହେଁ ୨୦୦୨ରେ ଭାଙ୍ଗିଥିଲା ବିଜେଡି, ବଚେଂଇଥିଲା ବିଜେପି

ପଂଚାୟତ ନିର୍ବାଚନରେ ଖରାପ ପଦର୍ଶନ ପରେ ଏବେ ବିଜେଡି ରାଜନୀତିରେ ସୃଷ୍ଟି ହୋଇଛି ଅସ୍ଥିରତା । କିଏ ବିଜେଡି ଭାଙ୍ଗିବ କଥା କହୁଥିବା ବେଳେ କିଛି ନେତା ବିଜେଡିରୁ ଯାଇ ବିଜେପିରେ ମିଶିବେ ବୋଲି ମଧ୍ୟ ଚର୍ଚ୍ଚା ହେଉଛି । ପ୍ରଥମେ ଦାମ ରାଉତ, ପରେ ତଥାଗତ ଶତପଥୀ କରିଛନ୍ତି ଅଭିଯୋଗଯେ ଦଳରେ କିଛି ସୁବିଧାବାଦୀ ଅଛନ୍ତି ଯେଉଁମାନେ ବିଜେଡିକୁ ଭାଙ୍ଗି ବିଜେପି ସହ ମିଶିବାକୁ ଚାହୁଁଛନ୍ତି । ଏହାକୁ ନେଇ କେବଳ ଦଳ ନୁହେଁ ଗଣମାଧ୍ୟମରେ ମଧ୍ୟ ଆରମ୍ଭ ହୋଇଛି ଚର୍ଚ୍ଚା । ଦାମ ରାଉତଙ୍କ ବିଭୀଷଣ ଚରିତ୍ରର ବୟାନ ଓ ପରେ ତଥାଗତ ଶତପଥିଙ୍କ ଟ୍ୱିଟରରେ ବିଜେଡି ଭାଙ୍ଗିବାର ଆଶଙ୍କା ଏସବୁ ବିଜେଡି ଭାଙ୍ଗିବାର ଚର୍ଚ୍ଚାକୁ ଖୋରାକ ଯୋଗାଇଛି । ପରେ କେନ୍ଦ୍ର ମନ୍ତ୍ରୀ ଜୁଏଲ ଓରାମଙ୍କ ବୟାନକୁ ନେଇ ମଧ୍ୟ ଆଲୋଚନା ବଢିବାରେ ଲାଗିଛି । ଏହା ବିଜୁ ଜନତା ଦଳ ଭାଙ୍ଗିବାର ଚର୍ଚ୍ଚାକୁ ଆହୁରି ସରଗରମ କରିଛି । ହେଲେ ବିଜୁ ଜନତା ଦଳରେ ଦଳ ଭାଙ୍ଗିବାର ଚର୍ଚ୍ଚା ଆଜି ନୁଆ ନୁହେଁ ।

Anil Biswal 05/04/2017
Khabar Odisha:

ପବିତ୍ର ରାମ ନବମୀ: ମାନବ ଜାତିର କଲ୍ୟାଣ ପାଇଁ ଅାଜି ଜନ୍ମଗ୍ରହଣ କରିଥିଲେ ପ୍ରଭୁ ଶ୍ରୀରାମ

ଭୁବନେଶ୍ୱର,ଏପ୍ରିଲ ୪(ଖବର ଓଡିଶା): ଆଜି ହେଉଛି ପବିତ୍ର ରାମ ନବମୀ । ପୌରାଣିକ ଧର୍ମଗ୍ରନ୍ଥ ଅନୁସାରେ ଆଜିର ଦିନରେ ଭଗବାନ ରାମ ଜନ୍ମ ଗ୍ରହଣ କରିଥିଲେ । ରାବଣର ଅତ୍ୟାଚାରରେ ଅତିଷ୍ଠ ହୋଇ ଶିବ, ବ୍ରହ୍ମା ଏବଂ ସମସ୍ତ ଦେବଗଣ ପରଂବ୍ରହ୍ମଙ୍କୁ ଆହ୍ୱାନ କରିଥିଲେ। ଦେବତାଙ୍କ ଅନୁରୋଧ କ୍ରମେ ପରଂବ୍ରହ୍ଣ ଧର୍ମ, ମାନବ ଜାତି, ଗୋ, ପୃଥିବୀ ଏବଂ ଦେବତାଙ୍କ ରକ୍ଷା ପାଇଁ ଧରାରେ ଶ୍ରୀରାମ ରୂପରେ ଅବତୀର୍ଣ୍ଣ ହୋଇଥିଲେ । ଚୈତ୍ର ମାସ ନବରାତ୍ରର ଶେଷ ଦିନରେ ରାମ ନବମୀ ପାଳନ କରାଯାଏ । ଦେଶର ବିଭିନ୍ନ ଅଞ୍ଚଳର ଲୋକ ଭିନ୍ନ ଉପାୟରେ ରାମ ନବମୀ ପୂଜା ଓ ଉପବାସ କରିଥାନ୍ତି ।

ଖବର ଓଡ଼ିଶା 04/04/2017
First Previous
1 2 3
Next Last Page 1 of 3