Home > ରାଜ୍ୟ
ପାରିତ ହେଲା ବିଧାନସଭାରେ ୨୦୨୦-୨୧ ବ୍ୟୟ ମଞ୍ଜୁରି ବିଲ୍‌
Khabar Odisha:Appropriation-Bill-unanimously-passed-in-Odisha-Assembly
ଭୁବନେଶ୍ୱର, ମାର୍ଚ୍ଚ ୩୦ (ଖବର ଓଡ଼ିଶା):

ପାରିତ ହେଲା ବିଧାନସଭାରେ ୨୦୨୦-୨୧ ବ୍ୟୟ ମଞ୍ଜୁରି ବିଲ୍‌ । ଗିଲୋଟିନ ଜରିଆରେ ପାରିତ ହେଲା ବ୍ୟୟ ମଞ୍ଜୁରି ବିଲ୍‌ । ଲୋକସେବା ଭବନ କନଭେନ୍‌ସନ ହଲରେ ପ୍ରଥମ ଥର ବସିଥିଲା ବିଧାନସଭା ବଜେଟର ଏହି ସ୍ୱତନ୍ତ୍ର ଅଧିବେଶନ ବୈଠକ । ଏହା ପରେ ବିଧାନସଭାକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସ୍ଥଗିତ ରଖିଛନ୍ତି ବାଚସ୍ପତି।

ସୂଚନା ଅନୁଯାୟୀ କୋରୋନା ପାଇଁ ସ୍ଥଗିତ ଥିବା ବିଧାନସଭାର ବଜେଟ ଅଧିବେଶନର ସ୍ୱତନ୍ତ୍ର ଅଧିବେଶନ ଆଜି ବସିଥିଲା। ୨୦୨୦-୨୧ ବର୍ଷର ବଜେଟ ପାରିତ କରିବା ପାଇଁ ଅଧିବେଶନ ବସିବା ଜରୁରୀ ହୋଇପଡିଥିଲା । ହେଲେ ବିଧାନସଭାର ଡ଼ାକ୍ତର ଓ ଅନ୍ୟ କର୍ମଚାରୀମାନେ କୋରୋନା ସନ୍ଦିଗ୍ଧଙ୍କ ସଂସ୍ପର୍ଶରେ ଆସିଥିବାରୁ ସୁରକ୍ଷା ଦୃଷ୍ଟିରୁ ଅଧିବେଶନ ଲୋକସେବା ଭବନର ସ୍ୱତନ୍ତ୍ର ଅଡ଼ିଟରିୟମରେ ବସିଥିଲା । ସାମାଜିକ ଦୂରତ୍ୱ ପ୍ରତି ଗୁରୁତ୍ୱ ଦେବା ପାଇଁ ପ୍ରତି ଦଳର ୩୦ ପ୍ରତିଶତ ବିଧାୟକ ଏହି ଅଧିବେଶନ ଆସିବାକୁ ବାଚସ୍ପତି ଅନୁରୋଧ କରିଥିଲେ । ଏହା ବାଦ୍ ବିଭିନ୍ନ ଅଂଚଳରୁ ବିଧାନସଭା ଯୋଗ ଦେବାକୁ ଆସୁଥିବା ବିଧାୟକମାନଙ୍କ ପାଇଁ ରାସ୍ତାଘାଟରେ କୌଣସି କଟକଣା ନ କରିବାକୁ ସବୁ ଜିଲ୍ଲାପାଳ ଓ ଏସ୍‌ପିଙ୍କୁ ନିର୍ଦ୍ଦେଶ ଦିଆଯାଇଥିଲା । ଗତ ଫେବୃଆରୀ ୧୮ ତାରିଖରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଦେଢ ଲକ୍ଷ କୋଟି ଟଙ୍କାର ବଜେଟ ଉପସ୍ଥାପନ କରିଥିଲେ ବିଧାନସଭା ରେ।

  • Tags: